Rreth 80 mijë copa pasqyrash, 7,2 tonë betoni, 20 ditë instalimesh me intensitet pune, 80 punëtorë dhe një sipërfaqe totale prej 2 200 metër katrorë.
Më në fund kemi kënaqësinë t’ju tregojmë hapësirën e jashtëzakonshme të shfaqjes së “Christian Dior”, e ndërtuar posaçërisht në kopshtet e Musée Rodin, Paris, që të falin një ndjenjë hapësire shumëdimensionale.
Sfilata Pranverë/Verë 2018, u zhvillua sot dhe nuk zhgënjeu askënd. Maria Grazia Chiuri sintetizoi vitet ’60-të me energjinë e pakufishme të psikikës krijuese femërore për një koleksion, që solli lehtësi dhe një ndjenjë për femrat e “Dior”.
Koleksioni i ri përmbante shtresa të lehta me tyl, veshje të stilit shkollor, si këmisha me jakë dhe çorape të gjata.
Nuk munguan veshjet xhins, apo kapelat e stilit francez me rrjetë në fytyrë, që e bënin edhe më elegante dukjen e modeleve.
Shfaqja u ndoq nga emra të njohur të modës dhe Hollivudit, mes të cilëve: Naomi Watts, Karlie Kloss dhe Winnie Harlow, që spikatën si të ftuarat e veshura më bukur.
