Dashi
Gjatë kësaj jave do të përballeni me sfida të shumta dhe me njerëz me karakter të vështirë, që duhet të mësoni t’i toleroni për të mos e ndërlikuar shumë të tashmen. Të hënën do të ndjeni se diçka po jua ndrydh personalitetin, por situata do të fillojë të zhbllokohet të enjten falë ndikimit të Plutonit. Ndonjëri prej jush, falë pranisë së Jupiterit në shenjën tuaj, do të ketë ndjesinë e gabuar se nuk përshtatet dot me situatat. Bëni kujdes me mënyrën si shpreheni të shtunën, kësisoj do të jeni të mbrojtur nga fjalët e thëna me kuptim të dyfishtë. Tetori do të jetë muaji ku pasionet do të ndizen.
Demi
Gjatë kësaj jave do të keni mbështetjen e yjeve për të shijuar argëtimin e për t’i marrë gjërat me lehtësi. Të hënën do të bënit mirë të mos e vinit veten në provë, duke u përpjekur që të tregoheni ambiciozë, por prisni më mirë që situata kozmike të jetë në favorin tuaj në mënyrë që më pas të hidheni në veprim. Të enjten, falë ndihmës së Plutonit do të përqendroheni sërish në diçka të rëndësishme që premton ndryshime pozitive për shenjën tuaj. Gjendja do të jetë disi më kaotike ditën e shtunë, ndaj është e këshillueshme që t’i pranoni pa hezitim ftesat që mund t’ju bëhen.
Binjakët
Pavarësisht se Dielli ndikon për mirë në shenjën tuaj, duke ju dhuruar energji dhe duke ju bërë që të ndiheni entuziastë, në ditët në vazhdim do të vazhdoni të hasni ndikimet negative të planetëve. Mos bëni panik, sepse me pak zgjuarsi do të mund ta përballoni mjaft mirë gjithçka. Të hënën Saturni do të ndikojë për t’jua vështirësuar dialogun me të tjerët dhe aty nga mesi i javës dikush do të bëhet i paparashikueshëm, ndaj do të ishte më mirë të mos bëni asnjë premtim për gjëra që nuk jeni të sigurt. Situata do të përmirësohet shumë në fundjavë, kur Mërkuri do të ndikojë pozitivisht duke sjellë gëzim e pasion në shenjën e Binjakëve.
Gaforrja
Çdo aspekt nga jeta do të duket papritmas i parëndësishëm përballë një Plutoni që do të rifillojë të ndikojë në shenjën tuaj. “Planeti i zi”, duke filluar që nga dita e enjte do të kalojë në shenjën tuaj duke ju ndihmuar të përtëriheni dhe të përjetoni disa ndryshime. Do të fillojë kësisoj një fazë e re, ku të tjerët do t’ju kuptojnë më mirë dhe do të keni një ndërveprim më të mirë me ta. Kurse Jupiteri, nga ana tjetër, me ndikimin e tij mund t’ju bëjë të ndiheni të shkurajuar, por mos i kushtoni shumë rëndësi. Përpiquni që në fundjavë të shijoni kohën e lirë.
Luani
Sezoni i verës, me gjithë lehtësinë dhe entuziazmin që ju dhuronte, tashmë ka mbaruar. Ndërkohë që yjet, një nga një, bëhen gjithmonë e më të afërt duke ndikuar në veprimtaritë praktike dhe në gjendjen materiale. Këto ndjesi do t’i përjetoni në ditët në vazhdim, kur gjithçka do t’ju imponojë që të përqendroheni tek e tashmja. Në fundjavë, falë ndikimit të Mërkurit, do të ndiheni më të lehtësuar dhe do të mund të rifilloni dialogun. Kurse falë ndikimit të Venusit nuk do të shqetësoheni shumë për aspektin profesional. Të dielën pasioni do të jetë i madh.
Virgjëresha
Nuk ka dyshim që ky është një moment mjaft i favorshëm për ju të lindurit e kësaj shenje ku do të ndjeheni më të fortë e energjikë. Mundësitë që do t’ju ofrohen do të jenë të mëdha. Mërkuri dhe Venusi do të kalojnë në shenjën tuaj dhe do ta shfrytëzoni këtë fakt për t’u angazhuar në gjërat më të rëndësishme. Java do të jetë e qetë, edhe të enjten kur do të përballeni me njerëz arrogantë, por që falë ndikimit të Plutonit do të dini t’ju tregoni vendin. Të shtunën Mërkuri do të largohet nga shenja juaj për të kaluar në shenjën pasuese. Për rrjedhojë, të dielën, do të ndjeni një pasion të veçantë.
Peshorja
Me ikjen e muajit shtator ju do të ndiheni të çuditshëm dhe të paqartë. Ata që do të provojnë të ndryshojnë diçka që nuk u pëlqen nuk do të jenë të favorizuar prej Jupiterit. Është e këshillueshme që për momentin të rrini në vend numëro. Falë ndikimit të Plutonit, duke filluar nga dita e enjte, do ta keni më të lehtë për ta kuptuar situatën e tanishme. Por kjo s’do të ndodhë menjëherë, sepse në fundjavë Neptuni do të bëjë që të ndiheni disi të pështjelluar dhe as kalimi i Mërkurit në shenjën e Peshores s’do të ndihmojë, për të vënë rregull në mendimet tuaja. Të dielën do të keni të bëni me një partner që nuk bën shaka kur vjen puna për të shfaqur pasionin.
Akrepi
Nuk ka shumë kohë që Jupiteri ka kaluar në shenjën tuaj, (pak më shumë se një javë), dhe ju po filloni të ndiheni ndryshe, më energjikë dhe plot besim tek e ardhmja. Aty nga mesi i javës, nën ndikimin e Jupiterit, do ta keni të vështirë t’i toleroni disa gjëra, edhe pse nuk kanë lidhje të drejtpërdrejtë me ju. Edhe fundjava do të jetë interesante, kur njerëzit tuaj të dashur do të sillen në mënyrë të çuditshme. Plutoni do t’ju dhurojë një forcë të tillë, që do t’ju bëjë të ndiheni unikë dhe të pakrahasueshëm në fundjavë. Kjo gjë ka për t’ju pëlqyer.
Shigjetari
Ju të lindurve të kësaj shenje ju pëlqen të ndiheni të lirë, për rrjedhojë pengesat që mund të hasni ju bëjnë të ndiheni nervozë dhe të mbyllur në vetvete. Gjatë ditëve të para të javës një i afërmi apo kolegu juaj mund të tregohet mjaft kokëfortë dhe i padrejtë, duke ju bërë që të humbisni durimin dhe të mos toleroni askënd. Mungesa e tolerancës do të zgjatë deri në fundjavë, sepse më pas gjërat do të ndryshojnë. Të shtunën, për fat, do të ndiheni më të lehtësuar, pasioni do të jetë i madh dhe do të hyni në bashkëpunim me të tjerët.
Bricjapi
Kini parasysh se dukja e parë edhe të gënjen. Kështu, në fillim të javës Mërkuri do të ndikojë në shenjën tuaj duke jua vështirësuar komunikimin, por shumë shpejt, falë ndikimit të Plutonit, do të mund të jeni sërish aktivë dhe plot besim në vete. Bëni durim edhe nëse thellë brenda vetes ndieni trishtim, për faktin se fati po vonon të vijë, sepse gjërat do të ndryshojnë, mjafton të mos nguteni shumë. Lërini mënjanë shqetësimet gjatë fundjavës dhe provoni të argëtoheni.
Ujori
Kjo javë nuk do të fillojë shumë e mbarë për ju të lindurit e shenjës së Ujorit. Dita e hënë mund të mos jetë shumë pozitive dhe do ta keni të vështirë ndërveprimin me të tjerët. Të enjten do të ndieni në shenjën tuaj ndikimin e Jupiterit dhe kjo nuk ka për t’ju pëlqyer shumë, sepse do të keni ndjesinë se diçka po ju bëhet pengesë. Megjithëse kjo s’është aspak e vërtetë. Shfrytëzojeni fundjavën për t’u çlodhur dhe për të rigjetur ekuilibrin mendor. Tetorin do ta filloni me buzëqeshje.
Peshqit
Ky nuk do të jetë një sezon shumë i favorshëm për të lindurit në shenjën e Peshqve. Do të përballeni shpesh me sfidat dhe ndikimin negativ të yjeve. Por nuk është asgjë shumë serioze, mjafton që ta përballoni gjendjen me qetësi. Të hënën mund të hasni probleme apo vështirësi në komunikim me personin tuaj të zemrës. Për rrjedhojë, mund të ndiheni të paduruar dhe jotolerantë. Komunikimi do të rifillojë normalisht ditën e shtunë dhe ju ndërkohë përpiquni që të mos merrni iniciativa për sa u takon raporteve të rëndësishme.
