Edhe të famshmit kanë momentet e tyre të vështira, pavarësisht se nuk mund të tregohen aq të hapur me publikun. Por këngëtari i suksesshëm i muzikës italiane, shumë i njohur edhe në Shqipëri, Albano Carrisi, i shokoi të gjithë pas një intervite për emisionin “Verissimo”.
Gjatë një rrëfimi për jetën e tij, ndër të tjera zbuloi se ka menduar vetëvrasjen. Duke folur për divorcin me gruan e tij Romina ai tregoi duke qarë:
“Pranova me dhimbje të madhe që Romina të largohej. Në atë periudhë kam pirë helm. Duhet ta pranoj se ndonjëherë kam pasur mendime të këqija por më pas i kam thënë vetes se jam budalla. Vitet ’90 ishin të vështira për t’u përballuar, pasi shkova në kontrast me Zotin. Të kthehesh në shtëpi nga turet e të mos dëgjoj zërat e zhurmën e bukur të familjes, është e vështirë. Po më binte bota përsipër, por më pas e rigjeta dëshirën për të jetuar”.
