As nuk e mohojnë dhe as nuk e pohojnë! E kemi patur kaq të vështirë të kuptojmë se çfarë po ndodh mes Kleas dhe Elgitit, janë apo jo çift!
Vetëm pak orë pasi Klea deklaroi se “janë bashkëpunëtorë shumë të mirë” në një intervistë për Chic+ në News 24, si për rastësi, edhe kantautori i njohur ishte në të njëjtën ditë në një intervistë për Prive. Pasi foli për projektet e reja muzikore dhe planet e tij të afërta në muzikë, Elgiti nuk iu shmang dot pyetjes në lidhje me raportin e tij me Klean.
Pyetjes së ripërsëritur “janë apo jo çift”, Elgiti i ktheu një përgjigje të mesme: “Për sa i përket një përgjigjeje po ose jo, “pjo”, që i bie “pjo”, as po as jo”, tha ai për Prive duke qeshur.
Megjithatë, nuk foli për bashkëpunimet me Klean dhe nuk e anashkaloi pyetjen, por vendosi të jetë më i drejtpërdrejtë: “Jemi në një rrugë që mund të kemi diçka në të ardhmen, por do ta shikojmë në ditët në vazhdim… Mund të kemi diçka në të ardhmen, por edhe mund të mos kemi diçka në të ardhmen…”
Që mund të kuptohet lehtësisht se janë akoma në një fazë të hershme njohjeje, diçka që mund të funksionojë ose jo në të ardhmen.
