Pavarësisht se ka kaluar rreth një javë nga dasma, nëna e Getoar Selimit i ka dedikuar një status djemve të saj dhe Marina Vjollcës.
Ajo shkruan se data 10 shtator, martesa e Getit dhe Marinës, është një kujtim shumë i rëndësishëm për familjen e saj, duke falënderuar zotin për dy djemtë si dhe për Marinën që i plotësoi vajzën që nuk e kishte.
“Ndjenjë e paharrueshme, po ashtu e papërshkruar e shtuna 10 shtatorit. I falënderohem Zotit që kam dy djemtë që më plotëson dhe më vlerësojnë. Kam një nuse @marina_vjollca që më plotësoi vajzën, që nuk e kisha deri sot. Falënderohem të gjithëve që morën pjesë në ahengun tonë familjar i paharruar”, shkruan Florije Selimi.
Një nga ato dedikimet shumë të njohura për brezin e nënës së Getit, ku nusja konsiderohet si vajzë.
Moderatorja nuk ka nguruar që ta shprehë publikisht emocionin pozitiv që ndjeu prej këtyre fjalëve, duke i komentuar se e do shumë.
Duket se nusja dhe vjehrra kanë një raport mjaft të mirë me njëra-tjetrën.
