Në 20-vjetorin e vdekjes së Princeshës Diana u sollën ndër mend shumë kujtime të bukura, por nga ana tjetër u ndan edhe disa sekrete që nuk i dinim më parë për të.
Dizanjuesi i veshjeve të saj zbuloi mesazhin emocionues që Princesha kishte të fshehur në këpucët e saj të martesës me Princin Charles.
Megjithëse këpucët ishin kryesisht të fshehura nën fustanin e dizajnuar nga Elizabeth dhe David Emanuel që pa diskutim u quajt “veshja e shekullit”, “Daily Mail” raporton se në këpucët e princeshës, të krijuara këto nga këpucari i famshëm Clive Shilton kishte një ‘nderim’ për burrin e saj.
Edhe në këpucë ajo kishte zgjedhur të shprehte dashurinë ndaj Princ Charles, duke shkruar inicialet e saj dhe të tij, dhe në mes të shkronjave C dhe D, kishte edhe një zemër. Këpucët e Princeshës Diana kishin një takë të ulët dhe ishin të mbuluara me 132 perla.
