Këngëtarja Fergie dhe aktori Josh Duhamel i kanë dhënë fund martesës së tyre, pas 8 vjetësh bashkë si burrë e grua dhe 13 vjet të lidhur.
Çifti, i cili ka një djalë katërvjeçar Axl publikuan një deklaratë të përbashkët të enjten duke zbuluar se janë ndarë disa muaj më parë.
“Me dashuri dhe respekt absolut kemi vendosur të ndahemi si çift në fillim të këtij viti”, njoftuan ata.
Deklarata vazhdon: “Për t’i dhënë familjes tonë mundësinë më të mirë për t’u përshtatur, ne donim ta mbanim këtë çështje private përpara se ta ndanim atë me publikun. Ne jemi dhe do të jemi gjithmonë të bashkuar në mbështetjen tonë ndaj njëri-tjetrit dhe familjes sonë”.
Fergie, 42 vjeç, ishte fotografuar në Rio de Janeiro, Brazil, të mërkurën ku po promovon albumin e saj të ri “Double Dutchess”.
Duhamel, 44 vjeç, u fotografua në Los Anxhelos duke u kujdesur për të birin të mërkurën dhe të enjten ai u shfaq duke ecur vetëm.
