Në momentin që menduam se nuk do të kishte muaj mjalti për Bes Kallakun dhe Xhensila Myrtezajn, këngëtarja postoi një zarf, i cili mban emrin e një resorti luksoz në Maldive, ‘Four Seasons’.
Mbi të shkruheshin emrat e çiftit të sapomartuar “Mr. & Mrs. Kallaku”, të cilat tashmë ndodhen në Maldive, dhe po shijojnë ditët më të bukura pas martese.
Prej dy ditësh Xhensila Myrtezaj dhe Besart Kallaku po shijojnë bukurinë e ishullit Landaa Giraavaru, ku ndodhet dhe resorti super luksoz ‘Four Seasons’. Nga fotot dhe videot e publikuara nga çifti në “Instagram”, arritëm që të gjejmë destinacionin dhe të shohim se sa kushton një natë për dy persona në këtë resort.
Çmimi mesatar për të kaluar një natë në këtë vilë është 2300 dollarë. Vila ndodhet shumë pranë oqeanit, ka pishinë dhe një arredim bashkëkohor, të cilin çifti do ta shijojë në maksimum.
Burimi: Iconstyle.al
