Dihet se Getoar Selimi është vazhdimisht i rrethuar nga miq të shumtë dhe kjo u vu re edhe në dasmë, ku morën pjesë të gjithë çunat e grupit Babastars, por jo vetëm.
Megjithatë personi që ai kishte zgjedhur si dëshmitarin e tij, nuk rezulton thuajse në asnjë foto me të. Epo miqësia e vërtetë duket se nuk ka nevojë për reklamë pasi dëshmitar, Geti kishte zgjedhur Orik Drançollin, i cili shihet në altar pranë reperit.
Për të gjithë ata që nuk e mbajnë mend, Oriku vite më parë ka qenë një reper po aq i famshëm sa edhe Getoari. Me emrin e skenës VIAGRA, Oriku mori famë të menjëhershme falë bashkëpunimit të tij me Mc Mimon në ‘Top Fest’, me hitin ‘Na jem’.
