Në një vend të vogël si Shqipëria ku të gjithë njihen, nuk është aspak çudi që personazhe të njohur të jetës politike dhe asaj artistike të kenë në gardërobën e tyre veshje ose aksesorë të njëjtë.
I tillë është rasti i ish-zëdhënëses së Partisë Demokratike, Erla Mëhilli, dhe blogeres së njohur, Armina Mevlani, të cilat janë paraqitur në evente të ndryshme me të njëjtin fustan.
Fustani që kishte veshur Erla gjatë 20-vjetorit të ”Opinionit” është i parë për syrin tonë, pasi pak kohë më parë është veshur nga bukuroshja Mevlani në një event në kryeqytet.
Nuk dihet nëse dy mikeshat kanë pasur shije të njëjta për të zgjedhur pikërisht fustanin e zi saten me të qëndisurat në formë dallëndysheje me ngjyrën gurkali, apo Armina ka vendosur t’ia dhurojë atë mikeshës së saj.
