Vetëm një ditë dhe gjimnazistët do t’i rikthehen ditëve të mbushura me mësim, ndërsa me mendje janë te pushimet e verës. Nga ana tjetër studentët duhet të presin disa javë për të shkuar për herë të parë apo për t’u rikthyer në korridoret e universitetit.
Por mes nxënësve dhe studentëve ekziston një e përbashkët: përpikmëria, për të mos humbur orarin e mësimit dhe për të qenë gjithmonë në kohë. Nuk është vetëm “hall” shkolle, por një nga rregullat bazë të jetës: të qenit korrekt.
Sigurisht të gjithë kemi celularët nëpër duar ditët e sotme dhe kjo është një mënyrë e thjeshtë për ta mbajtur kohën nën kontroll. Gjithsesi a duhet që t’i besoni telefonit tuaj për gjithçka? Më e rëndësishmja, a e keni parë idhullin tuaj pa një orë në kyç? Nuk besojmë.
Orët janë një detaj esencial dhe “cool”. Dhe është pikërisht momenti që të shqyrtoni zgjedhjet e jetës suaj, mes modeleve të orëve “Swatch”, që i gjeni në dyqanin në Qendrën Metropol, në rrugën “Sami Frashëri” dhe në Qendrën TEG .
Zgjedhja e orës tregon çfarë stili ke
Fati juaj i mirë se mund të zgjidhni diçka unike, që të veçoheni nga turma dhe me një çmim të arsyeshëm. Mund të jetë diçka sportive apo elegante, një orë mund të kthehet në një detaj të sofistikuar i shtuar në stilin e femrës. Mund të krijojë një përshtypje të veçantë, ndërsa takon dikë apo shkruan. Ai detaji në kyçin e saj e ndihmon të perfeksionojë çdo paraqitje.
“Back to School” nga “Swatch” është një aksesor kaq i thjeshtë e njëkohësisht kaq “cool”.
Kasa bojëqielli mat, me fushën e bardhë dhe rripin blu me printime, thyhen në mënyrën perfekte me detajin portokalli të akrepave të orës. Ora plastike kundër ujit dhe rezistente nga goditjet është shumë e lehtë për t’u mbajtur kudo që ndodheni, pa ju penguar ndërsa mbani shënime.
Ndërsa femrat rendin më shumë pas modës, meshkujt zgjedhin atë që i përshtatet më shumë tipit të tyre. Ai mund të mbajë dhe vetëm një orë për një kohë të gjatë dhe të gjithë do ta njihnin nga ajo.
Dhe një orë automatike është ajo që ju nevojitet. “Sistem Navy” një orë e sofistikuar me rripin plastik blu është i kombinueshëm për çdo veshje, sportive apo klasike.
Ora si një mundësi për të “thyer akullin”
Këshilla si të nisni bisedën apo të “thyeni akullin”? Pyeteni për kohën nëse personi me të cilin doni të flisni mban një orë. Do të ishte akoma më mirë sikur të kishit disa njohuri për orët, biseda do të rridhte më natyrshëm. Nëse dini diçka për to, do të keni një mjet sekret për krijimin e miqësive të reja në ambientet e shkollës apo jashtë saj.
Po sikur t’i bëni një kompliment asaj për orën, ndërsa shkëmbeni duart? Me orën “Skin Skin” nga “Swatch” është e pamundur të mos marrësh një kompliment për rripin shumë të hollë, ngjyrën unike rozë pastel dhe dizajnin unik.
E njëjta gjë vlen dhe për meshkujt që zgjedhin “Skin Steps”, i cili sjell risinë e orëve më të holla. E gjitha për të krijuar prakticitet, por pa sakrifikuar modën. Ora “Skin Steps” ka një rrip prej çeliku inoksi dhe i përshtatet çdo moshe.
Mbajtja e një ore nënkupton se jeni të përpiktë
Ora është simboli i kohës dhe mbajtja e saj nënkupton që e respektoni rëndësinë e kohës. Në një studim të kryer në Britaninë e Madhe në vitin 2015, rezultatet treguan se, “personat që mbajnë orë janë më të ndërgjegjshëm dhe më të përpiktë se ata që e kanë kyçin bosh”.
Një ndikim mund të kenë edhe të profesorët tuaj apo te mos-humbja e gjërave të rëndësishme për ju, si mësimi. Lini një shije të mirë përmes orës “Bord D’Eau”, e cila sjell ngjyrën më të veçantë të vishnjës në versionin mat, të thyer nga elementi i ngjyrës së artë në fushë.
Ose me orën “Orangio” për meshkujt, e zezë mat me detajet e portokallisë së ndezur te numrat e fushës.
Ne besojmë se një orë mund të jetë më e dobishme sesa mendoni ju. Mund të përmirësojë stilin tuaj dhe me shumë mundësi jetën tuaj. Kështu që nëse nuk keni një të tillë, sot është dita e duhur për të sjellë një ndryshim pozitiv në paraqitjen tuaj për vitin e ri akademik.
Burimi: Iconstyle.al
