Një nga momentet më të përfolura gjatë karrierës së tij si moderator në “Opinion” me siguri mbetet ai gjatë emisionit me temën “Debati i rrugëve”.
Të gjithë e mbani mend puntatën e “Opinion” ku të ftuar ishin Artan Lame dhe i ndjeri Sokol Olldashi. Në debatin mes të ftuarve, teksa flisnin për rrugët në vend, u përfshi edhe Blendi Fevziu.
Me shkopin e tij drejtues, ai i kërkoi Artan Lames, sot kreu i ALUIZNI-t, të mos e ndërpriste Olldashin. Mosbindja e Lames duket se e acaroi shumë Fevziu, i cili iu “hakërrye”.
Sot kanë kaluar shumë kohë dhe ky moment kujtohet si një batutë. “Pusho, pushoo” pushtoi rrjetet sociale, pasi një gjë e tillë nuk kishte ndodhur asnjëherë në emisionet shqiptare.
Gjatë një interviste të dhënë për revistën “Who” për 20-vjetorin e “Opinion”, Blendi ka rrëfyer mesazhin që i kishte dërguar bashkëshortja e tij në ato momente, edhe pse kur e pa ishte tepër vonë.
“Mbaj mend që më çoi një mesazh ku thoshte pak e shumë: “Je jashtë kontrollit, qetësohu. Nëse nuk e mban dot veten, fut reklamë që të relaksohet situata”. Kuptohet që unë e pashë pasi kishte mbaruar emisioni. Shumë më vonë”, tha Blendi.
