Xhensila Myrtezaj është surprizuar dje nga mikeshat e saj, të cilat kishin përgatitur një festë beqarie në jaht.
Surpriza e mikeshave për nusen e ardhshme ishte menduar me shumë hollësi deri në detaje. Duke filluar që nga destinacioni, i cili s’mund të ishte i zakonshëm.
Ishte ideja e mikeshës së saj, Drilona Boçi, për t’i mbledhur vajzat në një jaht raporton Class.
I mbushur me tullumbace dhe trëndafila të bardhë, jahti është kthyer në një mjet që lundron drejt bardhësisë e lumturisë, duke paraprirë dasmën e madhe.
Vajzat janë të veshura të gjitha me rrobëdeshambër rozë dhe rroba banjo trup të bardha, kurse nusja, sipas traditës, mban në kokë kurorën, ndërsa në rrobat e banjos ka të shënuar mbiemrin e saj të ardhshëm: Mrs. Kallaku.
Brenda jahtit, surprizat nuk munguan për Xhensilën, por as për vajzat. Një mashkull topless qëndron para 10 vajzave në njërën nga fotot.
*Shfleto galerinë më sipër
