Është zbuluar një letër e Princeshës Diana e shkruar pas një takimi të zhvilluar me Nënë Terezën. Në letër Princeshë Diana shprehet se gjatë vizitës që kishte bërë në shtëpinë e Nënë Terezës, diçka e veçantë kishte prekur jetën e saj.
Ajo thoshte se kishte gjetur rrugën të cilën kishte kërkuar prej vitesh dhe sesi Nënë Tereza e kishte inspiruar që të ndihmonte njerëzit në nevojë. Në letër thuhej se si Nënë Terezë dhe murgeshat e kishin ndihmuar Princeshë Dianën të kishte zgjim shpirtëror në momentet e saj më të vështira.
Shërbëtori personal i Princeshë Dianës, Paul Burell, thotë se Princeshë Diana dhe Nënë Tereza kishin një lidhje të veçantë shpirtërore.
“E vetmja gjë që mund të bëj është të shkoj me hapat e saj”, kishte thënë Princeshë Diana për Nënë Terezën. Ai është shprehur më tej se pasi Princesha vizitoi jetimoret në Kalkutë në vitin 1992, ku dhe pa fëmijë të sëmurë dhe në prag të vdekjes, ajo u bë më spirituale dhe fillojë të merrej më shumë me bamirësi.
Letra e Princeshë Dianës:
Sot diçka shumë e veçantë ka prekur jetën time. Kam vizituar shtëpinë e Nënës Terezës dhe kam gjetur rrugën të cilën kam kërkuar me vite.
