Albërie Hadërgjonaj është nga ato femra të ekranit që nuk e kanë aspak problem të shprehin atë që mendojnë. Ajo nisi dje një video “live” nga Los Angeles-i, ku shkoi për të pushuar me të bijën, Anxhelinën.
E veshur me rroba banjoje, Albërie Hadërgjonaj çmendi ndjekësit në “Instagram”, që i kërkonin vazhdimisht të hiqte flokët që të shikonin trupin e saj mjaft në formë. Aq sa u detyrua të kërkonte disa herë që të mos i përmendnin më fjalët “hiqi flokët”.
“Dukesh si 20”, i shkruante dikush, ndërsa të tjerë vinin në dukje ngjashmërinë me Cher-in. Megjithatë, jo të gjitha komentet qenë komplimentuese. Ndaj atyre që përdorën fjalor jo të përshtatshëm, Hadërgjonaj u përgjigj prerë dhe qartë:
“Për ju që shkruani fjalë të ndyra, mua vetëm më e bukur më bëhet jeta. S’më intereson fare çfarë shkruani ju njerëzit injorantë që s’keni jetë dhe merreni me mua”.
Kur në fund u pyet nëse është apo jo në një marrëdhënie, Albërie Hadërgjonaj e pranoi se po vëzhgon me imtësi për të gjetur partnerin e duhur. Për momentin është single, dhe e fokusauar të bëjë para.
“Jo, hala. Po e kqyri me e zgjedh një të mirë. Jam shumë rehat kështu, duhet me punu, me bo pare”.
