Gabimi që mund të bëni prej kohësh është që i hidhni rrobat e vjetra ose i falni, pasi mendoni se duke i mbajtur në shtëpi ato nuk do të kenë më ndonjë funksion dhe vetëm do të zënë hapësirat e dollapit tuaj.
Por, sidomos ju baballarë që keni vetëm fëmijë vajza dhe e përjashtoni mundësinë e të trashëguarit disa rroba tuajat, bëni mirë që të ndërroni mendje. Stephanie Millar, 27 vjeç, nga Amerika, ka bërë shumë bujë me Instagram-in e saj. Kjo nënë e re, me pak origjinalitet dhe përkushtim, arrin të kthejë rrobat e bashkëshortit të saj në veshje të përsosura për vogëlushen e tyre 3-vjeçare.
Duke postuar foto “para” dhe “pas”, Stephanie ka arritur që të frymëzojë shumë vajza të tjera, duke bërë edhe ato të njëjtën gjë me vogëlushet e tyre.
