Aktorët e njohur Bes Kallaku dhe Erion Isai do të largohen nga emisioni i humorit “Portokalli” në Top Channel. Ky lajm është përfolur prej kohësh në media.
Por veç tyre, duket se kastit të aktorëve të “Portokallisë” do t’i largohet edhe një tjetër aktor. Bëhej fjalë pikërisht për Gaz Pajën. Ditën e sotme ai ka qenë i ftuar në “Edicionin Veror” në Abc News ku ka rrëfyer shumë gjëra interesante nga jeta e tij personale dhe profesionale.
Gjatë intervistës, aktori është pyetur nga gazetarja Olsa Muhameti në qoftë se do të vazhdojë “Portokallia”. Përgjigja e Gazit ka qenë e prerë:
“Nuk e di!”. “Se di, sepse nuk i dihet çfarë ndodh. Unë dua të sjell një personazh të ri në qoftë se nuk e gjej do të bëj pak pauz, e do të vazhdoj vetëm në teatër”.
Pas kësaj nuk na mbetet gjë tjetër, veç se të presim nëse Gazi do të na prezantojë një rol të ri apo me të do të shihemi në një tjetër sezon.
