Ju kujtohet kur e keni parë për herë të fundit duke performuar Miriamin? Në fakt ka kaluar kaq shumë kohë, sa të vetmen gjë me të cilin mund ta lidhim këngëtaren është vogëlushja e saj, Ameli.
Që pas lindjes së vajzës Miriami u bë mami me kohë të plotë dhe iu përkushtua vetëm rritjes së vajzës. Të gjitha fotot e saj pas lindjes janë foto mamaje, me Amelinë për dore, mbi bar, në pishinë, tek lodrat… ose e strukur tek dashuria e saj, Albani. Larg skenave, ekranit, muzikës.
Por duket se tashmë mbaroi epoka e pamjes prej mami. E pamjes: xhinse dhe t-shirt, lëkurë ujë e sapun dhe flokët të thurura vetëm gërshet. Tek fotoja e fundit është një tjetër Miriam. Me fustan të ëmbël rozë pastel, flokë me ode të mëdha dhe grim me nuanca Barbie. E gjitha karamele, por edhe seksi. Sepse një kënd të tillë dekolteje nuk e kishim parë kurrë nga Miriami.
Por ajo që duhet të theksojmë mbi të gjitha është fakti se këngëtarja po sjell një projekt të ri. Ky duket se është edhe qëllimi i fotos së re e të kuruar nga një staf profesionistësh. Po se për çfarë bëhet fjalë, ende nuk ka thënë asgjë, përveç fjalës: “Projekte të reja së shpejti”.
