Grupi i njohur Coldplay në bashkëpunim me Big Sean kanë publikuar këngën e tyre të re, “Miracles (Someone Special)”, në 15 korrik.
Kjo këngë është pjesë e albumit më të ri “Kaleidoscope EP”, dhe u kushtohet emigrantëve që ndoqën ëndrrat e tyre për një jetë më të mirë.
Por në klipin e tyre të publikuar në ” Youtube “, është futur edhe një personazh shqiptar.
Nga minuta 2:20, mund të shihni këtë personazh të veshur me veshje kombëtare shqiptare, me plis në kokë dhe brez në bel, gjithashtu me mustaqe.
Shqiptarët përfaqësojnë një numër të madh emigrantësh të larguar drejt SHBA-ve, dhe ky klip është një nga gjetjet më interesante që Coldplay mund të bënte.
