Trendi i ri i dy gërshetave të bëra topuz është tendenca më e fundit e flokëve, që vajzat franceze e kanë sjellë për këtë verë.
Sipas “Harper’s Bazaar”, ato quhen “Macaron Buns” dhe janë mjaft vajzërore dhe praktike për këtë verë. Emri vjen nga ngjashmëria me ëmbëlsirat Macarons, që janë të rrumbullakëta.
Ky është një model mjaft i njohur nga gjyshet dhe nënat tona. Pikësëpari, ju duhen flokët në një gjatësi mesatare. Ato ndahen në mes nga fillimi deri në fund të kokës dhe me këto dy pjesë krijohen dy topuze.
Flokët mund të jenë thurur fillimisht gërshet, por edhe mund të përdridhen gradualisht në formën e topuzit, nëse janë më të shkurtër se gjatësia mesatare.
Modeli tjetër i ngjashëm por që ne na ngjan me modelin e hershëm shqiptar, është ai i dy gërshetave. Aktorja Yllka Mujo e solli në filmin “Malet me blerim mbuluar”, ku luante rolin e Lilos. Një model i hershëm që vajzat shqiptare e kanë mbajtur shumë vite më parë, 1940-1943 dhe që të gjitha gjyshet apo nënat tona e dinë me siguri.
Burimi: Iconstyle.al
