Këngëtarja Olta Boka, e ka pranuar vite më parë se ka dikë në jetën e saj, por vetëm kaq. Ajo është treguar gjithnjë e rezervuar për jetën private edhe pse është një personazh publik.
Megjithatë lajmet e fundit mbi këngëtaren sugjerojnë se ajo është e lidhur me djalin e deputetit Shezai rrokaj dhe janë bashkë prej vitesh.
Edhe pse në rrjete sociale nuk publikon foto me partnerin e saj, aktualisht ajo është duke shijuar pushimet, bashkë me të dashurin, i cili duket se është djali i një prej deputetëve të LSI-së, Shezai Rrokaj.
Nga fotot e mbërritura në redaksinë e Panoramës, shihet 25-vjeçarja tek puth djalin e quajtur Iv Rrokaj i cili deri pak më parë ishte krejtësisht i panjohur për publikun. Çifti duket se po kalojnë pushimet bashkë me miqtë e tyre në jug të vendit.
Mësohet se dyshja janë në një marrëdhënie prej vitesh. Ndërkohë që Olta vazhdon me karrierën e saj muzikore, duket se i dashuri i saj është pedagog në Fakultetin e Drejtësisë.
