Kim Kardashian dhe Gisele Bundchen i besojnë asaj kur vjen puna për të realizuar paraqitjen perfekte gjatë eventeve në mbrëmje. Artisja e makijazhit, Charlotte Tilbury, është e zgjedhura edhe nga modelet Kate Moss dhe Miranda Kerr. Ajo tregon disa rregulla se çfarë duhet të bëni për të realizuar grimin perfekt në daljet e mbrëmjes.
- Hidratimi ka rëndësi
“Unë e nis të gjithë grimin duke përdorur një krem hidratues. Ai duhet të jetë i mirë, pasi ëhstë thelbësor për të siguruar që lëkura juaj të duket e gjallëruar dhe e freskët”.
- Nisni si një profesionist
“Më pas aplikoni një ndriçues që të siguroheni që makijazhi do të zgjasë. Fokusohuni te mollëzat, për të nxjerrë në pah pjesët më të mira të fytyrës”.
- Lyeni faqet
“Aplikoni një pluhur ngjyrë bronz te faqet. Më pas me furçen aplikojeni deri pranë buzëve, që të krijoni një shkëlqim”.
- Grimi i syve të maces
“Lyejni qerpikët me një rimel duke theksuar më shumë fundet e tyre. Më pas aplikoni një pluhur të errët duke krijuar idenë e njohur si “cat eye”.
- Silueta e trupit
“Mos harroni krahët, dekoltenë dhe këmbët gjatë “shfaqjes”. Nëse ju nxirrni në pah në pjesën e poshtëme të gjymtyrëve, nxirrni në pah pjesën më elegante, atëherë ju do të dukeni më të dobët, më të gjatë dhe më atletike. Përdorni një krem shkëlqyes për trupin për të arritur këtë efekt”. (Provoni Charlotte Tilbury Supermodel Body, 88 dollarë)
Burimi: Vogue
