Një javë më parë, titujt kryesorë të mediave rozë flisnin për një lidhje të re në showbiz-in shqiptar. Bëhet fjalë për këngëtaren Eni Koçi dhe reperin Genc Prevlukaj, për të cilët “Prive” raportoi se kanë disa muaj të lidhur.
Por ky lajm nuk u konfirmua nga këngëtarja, e cila reagoi përmes disa postimeve në “Instastory”. Bukuroshja bionde, ndoshta duke ironizuar këtë lajm të lidhjes së saj, shkroi në postim “Kur do martohem? Ju lutem, më tregoni sepse jam kurioze. Shumë qesharake”.
Në një tjetër postim Eni shkroi, “Ju lutem më dërgoni një ftesë në dasmën time”. Por pak orë më parë, çifti është nxjerrë zbuluar pasi disa foto të portalit “Kosovarja”, i nxjerrin ata zbuluar.
Portali ka siguruar dy foto të protagonistëve në fjalë, ku ata të dy shihen dorë për dore duke hyrë në një ndërtesë. Të veshur sportivë me xhinse, çifti shfaqet mjaft në harmoni dhe shkojnë shumë me njëri-tjetrin. Nuk na mbetet gjë tjetër veçse t’i kërkojmë ne ftesë për dasmë Enit!
