Duket se ky qenka viti i futbollistëve shqiptarë. Na vjen keq vajza, por një tjetër lojtar u largua nga “tregu i beqarëve”!
Pas dasmës së shumë përfolur të Granit Xhakës, edhe futbollisti i Kombëtares Emir Lenjani, e ka kaluar marrëdhënien e tij në një tjetër stad.
Këtë lajm të mirë, nuk na e ka dhënë vetë ai, por e kanë zbuluar fansat e tij.
Kanë mjaftuar disa foto të publikuara nga ai në rrjetet sociale që të “vërshonin” komentet e shumta që i uronin çiftit “trashëgime”.
Ai ka qenë në një marrëdhënie me bukuroshen, të cilën fatkeqësisht nuk na “e ka prezantuar”, prej kohësh, e ndërsa e zyrtarizuan dje lidhjen me një fejesë.
