Prej kohësh nuk e dimë, se çfarë po ndodh me jetën e saj private dhe ky postim na ngre dyshime. Era Istrefi postoi në “Instagram”-in e saj një foto mjaft provokuese.
E veshur me një palë xhinse shumë të shkurtra, poshtë të cilave ka një palë streçe të zeza, këngëtarja na tregon kështu trendin më të ri të kombinimit të xhinseve. Megjithatë, një detaj tjetër që tërheq vëmendjen është shkrimi me të cilin e ka shoqëruar foton: “Të biesh në dashuri? Jo, mos e bëni!”
Edhe pamja e saj duke nxjerrë gjuhën duket se përputhet me shprehjen e shkruar. Të jetë zhgënjyer vallë Era nga dashuria?
Prej kohësh thuhet se këngëtarja është në një lidhje me menaxherin e saj, Faton Shoshi, edhe pse publikisht kjo marrëdhënie mes tyre nuk është pranuar nga asnjëri prej tyre. Ne mendojmë se çdo gjë që shkruhet e ka një pikënisje!
Burimi: Instagram
