Jennifer Lopez nuk ngurron të tregojë format e saj të mrekullueshme herë pas herë, megjithatë ajo është përfshirë në një diskutim së fundmi në rrjetet sociale për shkak të një fustani provokues që ajo ka veshur.
JLO ka publikuar një fotografi në “Instagram”, ku shihet e veshur me një fustan të gjatë por me dy të çara të cilat arrijnë sipër belit.
Në këtë foto, këngëtarja 47-vjeçare shihet teksa pozon me sytë mbyllur dhe këmbët e saj të hapura ndërkohë që është ulur në një karrige. Ajo postoi këtë foto për të lajmëruar ndjekësit e saj për publikimin e videos muzikore të këngës “Ni Tu Ni Yo”.
Disa fansa nuk kanë mbetur aspak të kënaqur nga kjo foto, ku këngëtarja shihet të mos ketë veshur të brendshme.
“Zonjë e bukur, por kjo është e neveritshme dhe aspak klas. Paksa zhgënjyese…”, shkruan një fans.
“Zhgënjyese. Më vjen keq JLO por më duket tepër zhgënjyese për një këngëtare të talentuar dhe profesioniste si ty. Pavarësisht kësaj, unë do jem gjithmonë fansi juaj”, shton një tjetër.
