Jay Z ka pranuar se martesa e tij “nuk ishte e ndërtuar 100 për qind mbi të vërtetën”.
Reperi 47-vjeçar, i cili u martua me Beyonce Knowles 9 vite më parë, pranoi se “gjëja më e vështirë” që ai ka bërë është që të përballet me vështirësitë e martesës dhe të përpiqet, që ta bëj të funksionojë sërish.
Ditën e hënë u publikuan disa deklarata të tij, gjatë kohës që përgatitej këngën e re, ku të pranishëm ishin dhe yje të tjerë të showbiz-it, si Chris Rock, Will Smith, Kendrick Lamar, etj.
E publikuar në Tidal, i gjithë grupi duket se ka diskutuar hapur rreth dashurisë, marrëdhënieve dhe sa e vështirë është të mbash një lidhje përpara syve, të një bote të tërë. Kur erdhi radha e reperit, ai nuk u kursye të ndante me të gjithë vështirësitë e martesës me Beyonce.
“Kjo është jeta ime e vërtetë. Thjesht u ndodha këtu dhe ndërtuam diçka shumë të madhe, një lidhje e cila nuk u ndërtua plotësisht mbi të vërteta dhe pak nga pak filloi të krisej”, tregoi Jay.
Producenti i famshëm, pranoi se gjithçka ndodhte mes tyre ishte e pashmangshme nga sytë e publikut dhe të mbanin një marrëdhënia të patundur ka qenë një sfidë e përditshme.
“Arritëm në një pikë dhe thamë ‘Ok!’, le ta fillojmë nga e para. Ishte gjëja më e vështirë që më është dashur të bëj”, vazhdon ai.
Jay Z, zgjodhi që në këtë rrëfim të ishte plotësisht i sinqertë, duke treguar se ka patur raste në të cilat edhe i është përgjëruar Beyonce-s për të mos u larguar. Por ajo që i konfuzoi sërish të gjithë ishte konstatimi i tij se martesa e tyre bazohej vetëm në ndershmëri.
Burimi: Daily Mail
