Kur u publikuan fotot e Klea Hutës me Elgit Dodën, të gjithë menduam se do të ishte çifti më i ri perfekt shqiptar.
Ndërkohë që dyshja flitej prej kohësh për një lidhje, askush prej tyre nuk e kishte pohuar apo mohuar deri më sot.
Moderatorja dhe këngëtari u dalluan para disa ditësh, ndërsa drekonin në Sarandë, duke shtuar më tej dyshimet se mes tyre ekzistonte një lidhje dashurie.
Por “Iconstyle.al” vendosi të kontaktonte vetë Klea Hutën për të marrë një përgjigje për vërtetësinë e lajmit, që po përflitej kudo në media.
E pyetur nga”Iconstyle.al” për fotot, Klea u shpreh: “Njerëzit flasin dhe e bëjnë dhe të pavërtetën të vërtetë. Dy njerëz që drekojnë nuk do të thotë që janë domosdoshmërish çift”.
Por edhe mund të jenë! Ne besojmë se të vërtetën mund t’ia lëmë kohës dhe dëshirës së dyshes për t’i bërë gjërat zyrtare, nëse mes tyre ekziston diçka.
Kujtojmë se pak kohë më parë Klea u shpreh gjatë një emisioni se, nëse do të kishte edhe pak orë jetë, do të preferonte t’i kalonte me partnerin dhe familjarët. Kjo do të thotë se ekziston dikush special në jetën e saj, por kush është ai duhet të presim të na e tregoj vetë Klea.
Burimi: Iconstyle.al
