Granit Xhaka, mesfushori i Arsenal, i cili propozoi të dashurën e tij për martesë vetëm 2 javë më parë, i ka dhënë fund beqarisë.
Futbollisti i kombëtares zvicerane me origjinë shqiptare, ka publikuar fotot e dasmës duke i lënë të gjithë pa fjalë.
Prej kohësh ai është në një lidhje me bukuroshen Leonita Lekaj, që së fundmi siç kuptohet nga fotot është zyrtarisht bashkëshortja e mesfushorit.
Për veshjen e nuses 22-vjeçare është kujdesur Valdrin Sahiti, i cili njihet si një ndër stilistët më të mëdhenj shqiptarë. Ndërsa dhëndri kishte thyer traditën e kostumit të errët, duke veshur një kostum blu me papjon dhe këpucë mokasine.
