Një grua, të cilës i vuri flakën ish-i dashuri me benzinë, ndërroi jetë dy vite pas sulmit. 33-vjeçarja Judy Malinowski vdiq të martën, ndërsa lajmi u konfirmua nga nëna e saj Bonnie Bowes.
“Ajo vuajti për dy vite për të treguar historinë e saj, kush e ka forcën për ta bërë këtë?”, tha Bowes.
Nëna e të dy fëmijëve pësoi djegie të shkallës së katërt dhe të pestë në 80% të trupit të saj, kur ish-i dashuri i saj, 41-vjeçari Michael Slager, i vuri flakën në një stacion benzine pas një zënke në 2015-n, në Ohio.
Fillimisht Slager pretendoi se nuk donte t’i vinte flakën. Ai tha se e ndezi aksidentalisht kur ndezi një cigare.
Të dy veshët e Malinowski-t dhe pjesët e gishtërinjve të saj u shkrinë nga zjarri dhe humbi aftësinë për të folur. Ajo humbi aftësinë për të ecur dhe kishte nevojë për një pajisje që ta ndihmonte të merrte frymë.
Ajo iu nënshtruar 56 operacioneve pas sulmit, por mjekët nuk mundën të rregullonin plagët masive të hapura në shpinë dhe në fundshpinë, sepse ishte shumë e dobët për t’iu nënshtruar operacionit.
Ajo qëndroi në spital deri në maj.
Ndërkohë, Slager, i cili nuk pranoi asnjë nga akuzat, u dënua me 11 vite burg në dhjetor, ndërsa tashmë mund të akuzohet edhe për vrasje.
Para sulmit, Malinowski i mbijetoi kancerit në vezore dhe arriti të hiqte varësinë ndaj drogës.
Burimi: Daily Mail
