Pas ndarjes jeta vazhdon! Dhe këtë duket se dëshmon edhe aktori hollivudian Brad Pitt.
Në muajin prill Sienna Miller hodhi poshtë thashethemet se ajo po shijonte një romancë sekrete me aktorin, por vetëm 2 muaj më pas, thashethemet për një lidhje mes tyre kanë pushtuar sërish mediat rozë.
Sipas “The Sun” dy yjet hollivudianë janë fotografuar duke shijuar shoqërinë e njëri-tjetrit, teksa ishin së bashku në festivalin muzikor “Glastonbury” gjatë fundjavës.
Aktorja 35-vjeçare Sienna dhe 53-vjeçari Brad janë dy prej personazheve të famshëm që ishin të pranishëm në ketë event muzikor dhe sipas “The Sun”, dyshja nuk është ndarë për asnjë moment nga njëri-tjetri.
“Sienna dhe Brad nuk i kanë shkëputur duart për asnjë moment nga njëri-tjetri dhe përkëdheleshin vazhdimisht. Dukeshin shumë të afërt”, raporton burimi.
Sienna dhe ish-i fejuari i saj Tom Sturridge u ndan pas një romance 4-vjeçare në shtator të 2015-s.
Burimi: The Sun
