Xhejms Dervishi ishte emri i modeles që u lakua pak muaj më parë si personi që do të zëvendësojë Marina Vjollcën në emisionin “Procesi Sportiv”. Ndërsa fjalët e mediave mbetën të tilla, modelja po eksploron një tjetër fushë: atë të klipeve.
22-vjeçarja, e cila ka nisur prej 7 vitesh rrugën e modës është përfshirë në pasionin për sportet dhe dëshiron të ndjekë ëndrrën e prezantueses, për herë të parë vendosi që të shfaqej në një videoklip.
Ajo ishte përzgjedhja e Young Zerkas në këngën e tij të fundit “A ma fal” dhe arsyen për këtë vendim nuk është e vështirë ta mendojmë.
Paraqitja e saj fizike dhe bukuria natyrale gjithmonë kanë tërhequr vëmendjen, së fundmi edhe të këngëtarit.
Klipi është realizuar jashtë kufijve shqiptarë dhe ne dyshojmë se në Korfuz.
E kontaktuar nga “iconstyle.al”, Xhejmsi Dervishi u shpreh lidhur me eksperiencën e saj të parë si modele videoklipi:
“Isha në një shoqëri shumë të këndshme dhe korrekte. Gjithçka shkoi shumë mirë. Pavarësisht se unë nuk isha tip videoklipi kjo eksperiencë ishte e vlefshme, pasi unë aktrimin e kam dhunti”.
Por si u zgjodh Xhejmsi?
“Unë në fakt ishte zgjedhja e tyre e parë. Pëlqyen personazhin, tipin tim dhe paraqitjen e jashtme, tiparet dhe fizikun”, shprehet Xhejmsi për “iconstyle.al”.
Burimi: Iconstyle.al
