Të gjithë e kemi parë filmin “Indecent proposal” me Demi Moor, që propozohet nga një pasanik për të kaluar një natë me të edhe pse ishte e martuar.
E njëjta gjë ka ndodhur edhe me një nga femrat shqiptare më tërheqëse që ka mbetur e tillë në vite, Mihrije Braha.
Këngëtarja bionde nga Kosova, ka treguar për Express Rozë, që asaj i kanë propozuar 1 milion dollarë për një natë. Madje i guximshmi i kësaj historie ishte i njohur edhe me bashkëshortin e këngëtares, Naim Abazi.
“Më ka telefonuar dhe më ka ofruar 1 milion dollarë për të kaluar natën me të në një ishull ku të dua unë”, tha Mihrija. Sigurisht ajo refuzoi. Kjo histori ka edhe personazhin e Naimit që e kishte marrë me shaka dhe i kishte thënë që i humbi 1 milion dollarë.
Ata kanë një marrëdhënie aq të fortë, edhe u rimartuan pas 25 vitesh, sa sigurisht që u ngelet vetëm të qeshin me të gjithë që nuk i marrin parasysh këto ndjenja.
