Tashmë është zyrtare, Jonida Maliqi dhe bashkëshorti i saj Gent Prizreni po ndahen.
Zgjidhja e martesës së tyre, pritet të vendoset nga Kastriot Gramshi, gjyqtar pranë Gjykatës së Tiranës. Burime pranë kësaj gjykate raportojnë për revistën Who, se historia 17-vjeçare e dashurisë së yllit të muzikës ka marrë fund, duke mos lënë më vend për komente.
Divorci mes tyre ka kohë që përflitet dhe prej disa muajsh çifti nuk jetojnë më së bashku, por deri tani nuk ishte ndërmarrë asnjë veprim konkret prej tyre.
Këngëtarja ka arritur të mbajë gjithnjë një profil të ulët publik sa i takon jetës së saj private, duke e ruajtur atë gjithnjë me fanatizëm, mjafton të kujtojmë këtu dasmën larg syrit të kamerave.
Megjithatë ajo shihet tepër e angazhuar në rrjetet sociale, në disa raste edhe duke publikuar foto me djalin e saj Dan.
Ky besohet të jetë një vendim i menduar gjatë nga të dyja palët, të cilët e kanë çuar zgjidhjen e martesës së tyre në Gjykatë.
