Duket se ata janë çift, edhe pse nuk e kanë pranuar këtë zyrtarisht. Këngëtari nga Shkupi, Adrian Gaxha, të lë të mendosh se i pëlqen të ketë në krah një femër me profesion moderatore.
Prej kohësh flitej për flirtin mes tij dhe moderatores së televizionit INTv, Fatma Methasani. Por ajo që duket se e vërteton më shumë këtë thashethem është një video e realizuar me celular, për të cilën pretendohet se shfaqet Adriani, i cili i ka hedhur dorën në qafë Fatmës.
Fillimisht në video çifti që i ngjason shumë dy të përfolurve shfaqen të shkëputur, ndërsa më pas djali bën një gjest afrimiteti, duke i hedhur dorën në qafë.
Një tjetër detaj që nisi dyshimet për lidhjen mes çiftit, ishte afrimiteti i tyre në intervista dhe në fotografi. Ndërkohë që prej gojës së tyre ende nuk është konfirmuar asgjë.
Fatma Methasani moderon tashmë emisionin “FunDay” në INTv, televizioni i cili operon me frekuencat e MadTV. Për Fatmën publiku është shumë pak i informuar, pasi e reja nuk ka kërkuar që të shfaqë anën e saj personale. Nga ana tjetër, Adrian Gaxha nuk ka dashur që të bëjë publike lidhjet e tij, sikurse mbajti të fshehtë prej kohësh atë me ish-velinën Luana Vjollca.
Çifti nuk bëri asnjëherë të ditur arsyen e ndarjes, ndërsa u panë të përqafuar për herë të fundit në publik në turneun e “SummerFest” të verës së 2015-s, në qytetin e Ulqinit. Për atë gjest u argumentua vetëm si miqësor. Po ju gjeni në video ngjashmërinë?
