Beyonce raportohet se solli në jetë një djalë dhe një vajzë, por ata vazhdojnë të mbahen në spital për shkak të disa problemeve të vogla shëndetësore.
Sipas “TMZ”, binjakët lindën në spitalin e Los Angeles dhe pavarësisht këtyre problemeve të vogla, fëmijët priten ta marrin veten shumë shpejt.
Një burim ka thënë për uebsajtin: “Na është thënë se fëmijët kanë disa probleme të vogla dhe si pasojë doktorët kanë vendosur t’i mbajnë ende në spital. Nuk jemi në dijeni për problemet që kanë. Beyonce është ende në spital dhe është në gjendje të mirë shëndetësore. Fëmijët priten të bëhen shumë mirë së shpejti”.
Pas këtij raportimi Jay Z u dallua për herë të parë pas lajmit se u bë baba i dy binjakëve dhe ndoshta kjo do të thotë se ka lajm të mirë për divën e “pop”-it dhe binjakët.
Jay ishte në West Hollywood të hënën në mëngjes, hera e parë që ai është parë larg nga spitali që kur Bey lindi javën e kaluar.
Burimi: TMZ
