Të gjithë e mbajnë mend ngjarjen e dhunshme që ndodhi pas përfundimit të ceremonisë së çmimeve “Grammy”, ku Rihanna u rrah brutalisht nga i dashuri, reperi Chris Brown.
Chris ka vendosur që së fundmi të tregojë tërë të vërtetën e kësaj historie.
Në një film dokumentar të realizuar vite më parë por që do të transmetohet këtë verë, reperi amerikan pranon se ka ngritur dorë mbi këngëtaren, duke zbuluar edhe shkakun që e ka çuar deri në këtë veprim.
“E kam tradhtuar me një bashkëpunëtore. Rihanna kishte dyshime dhe më ka marrë në pyetje, por unë nuk kam pranuar asgjë. Dhe pikërisht atë mbrëmje femra, me të cilën e kisha tradhtuar është afruar tek tavolina jonë. Rihanna është çmendur, ka marrë gjërat e saj dhe ka dalë jashtë”, ka thënë Brown.
Ndërkohë kureshtja e Rihanna-ës për të parë se me kë shkruante Chris, duket të ketë qenë shkaku që më pas Chriss ka ngritur dorë mbi të.
“Jemi shtyrë, ajo më ka goditur, ndërsa unë e kam kafshuar në dorë. Dhe kështu ka filluar e tëra dhe gjërat kanë dalë jashtë kontrollit”, tregon më tej Chris, i penduar tashmë për veprimin por që nuk mund ta kthejë më prapa.
