Gjithmonë jemi disi kuriozë që të shohim anën tjetër të personazheve publike, sidomos kur flitet për figurat politike. Ndonëse është më i tërhequr për të dhënë detaje nga jeta e tij private, kryetari i Partisë Demokratike, Lulzim Basha ndau një imazh ndryshe, nga rinia e tij kur jetonte në Holandë.
I veshur me këmishë dhe xhaketë edhe atëherë, por me stilin e viteve ’90. Me sa duket edhe Basha, që e kemi parë gjithmonë serioz, ka ndjekur modën në koën studentore. Këmisha ciklaminë dhe pantallonat e bardha e bëjnë kaq trendi edhe në ditët e sotme politikanin, ndërsa sfidon meshkujt për të qenë të guximshëm me ngjyrat dhe stilin.
Me veshjen e atyre viteve, flokët pak të ngritur dhe syze dielli, Lulzimi ka pranë shoqëruesen e thuajse të gjithë banorëve të Holandës, biçikletën. Fotoja është publikuar në programin “Zonë e lirë”, i cili duke pritur Bashën, ka nisur lojën me publikun për të gjetur markën e biçikletës. “Një biçikletë e dorës së dytë, të tretë, është”, tha Basha, kur mbërriti në studio, “Pse çfarë prisnit ju Mercedes?”.
