Ka mjaftuar një koment i fituesit të BB6 në një nga fotot e moderatores Albana Osmani, që menjëherë mediat të dyshojnë për një lidhje mes tyre.
Anaid Kaloti i ka bërë një deklaratë goxha romantike, moderatores së njohur të Top Channel, të tipit: “kur shoh në sytë e tu, humbas mendimet”.
Nuk ka vonuar në fakt edhe përgjigja e moderatores, ku ka vendosur i ka kthyer koment me një figurë me gjuhën përjashta. Pas bujës që ky koment bëri në media, Albana u detyrua të jepte një shpjegim, pasi kjo nuk është hera e parë që ajo përflitet për lidhje, pas asaj me Fatmir Hysenbelliun.
Përmes një postimi në Instastory, Albana iu kundërpërgjigj ashpër mediave dhe jo vetëm hodhi poshtë thashethemet, por kërkon të mos i prishin shoqërinë me ta, sepse për të shoqëria është e shenjtë.
“Lajme idiote”, shkruan ajo, “Ndodh që kthehesh në darkë pas një dite të ngarkuar dhe lexon lajme për ‘lidhje’, që marrin shkas nga një koment dashamirës apo nga një foto në një drekë mes miqsh… Le të themi që s’na zë më gjumi, po nuk na shqetëson thashethemnaja e ditëve të sotme! Shoqëria është pasuri. Mos m’i ngatërroni me “paçavavuret” tuaja!”
