Dy vite pas “Eurovision”-it, Elhaida Dani po vjen me një super këngë. Por këtë herë nuk është vetëm, pasi për herë të parë vjen me një bashkëpunim. Kënga e saj më e fundit “Ruby” është një bashkëpunim me një këngëtar të ri të talentuar, Durim Morina.
Kush është Durim Morina?
Lindur dhe rritur në Prizren, Kosovë, Durimi tani jeton në Shtetet e Bashkuara të Amerikës dhe ka prezantuar tashmë këngën e tij të parë të quajtur “Puzzle”, prodhuar nga Arthur Pingrey, i cili ka fituar tre nominime për “Oscar”, më së fundi për Sting, “The Empty Chair”, e cila u nominua për Këngën më të Mirë Origjinale në fillim të këtij viti. Kënga arriti e 73-ta në listën “Pop Chartes në SHBA.
“Kënga është i një zhanri modern, e kombinuar me muzikës “pop” dhe “dance”. “Ruby” është shumë e veçantë për mua, e shkrova në një moment kur isha i trishtuar”, shprehet ai për “wiwibloggs”.
“Të punoja me Elhaidën ishte diçka që kisha në mendje gjatë gjithë kohës. E dërgova këngën në prill dhe Elhaida e dashuroi. Ajo është shumë e mirë dhe ishte një kënaqësi e vërtetë të bisedoja dhe të punoja me të. Ajo është një këngëtare e madhe dhe kompozitore”, shprehet për portalin e “Eurovision”-it.
Ai është duke punuar tani me një këngëtare të “Eurovision”-it, a do të thotë që Durimi ka në plan që të konkurojë në festivalin evropian të këngës?
“Unë jam një fans i madh i tij. Do të ishte kënaqësi të përfaqësoja vendin tim në garë, ndoshta një ditë, nuk e di”, shprehet Durimi.
Durim dhe Elhaida ende nuk kanë finalizuar datën e publikimit, por pritet të dalë në fillim të korrikut.
Burimi: Wiwibloggs
