Rihanna u shndërrua në një mësuese për nxënësit e varfër kur i vizitoi ata në Malawi në janar të këtij viti, teksa ndau edhe një fond për ta.
29-vjeçarja postoi të mërkurën në rrjetin social “Instagram”, një tjetër fotografi nga ai udhëtim bamirës për fondin “Clara Lionel”, shkruan DailyMail.
“Koha ime në Malawi ishte aq frymëzuese! Duke punuar me “Clara Lionel”, fondacionin tim për të përmirësuar jetën e studentëve globalisht, së bashku me ‘GP forEducation’”, shkruan Riri.
Përveç se ndihmoi me fonde, këngëtarja mori guximin duke hyrë në një klasë në një nga shkollat fillore, për të marrë ‘frontin’ e profesoreshës së matematikës, për t’iu mësuar fëmijëve pak nga matematika.
Ndërsa fëmijët mësonin në melodi, Rihanna përdorte talentin e saj muzikor për t’i ndihmuar ata të zgjidhnin problemin 6-4.
Bukuroshja nga Barbadosi ishte shfaqur plot stil para studentëve, duke u dukur si një profesoreshë e vërtetë.
Dhe Rihanna u shpreh: ‘Është e mahnitshme, mënyra se si ata mësojnë, unë dua që ata të mësojnë në melodi. Kjo është gjëja ime e preferuar, sepse fëmijët me melodi mësojnë shumë shpejt”
“Pra, nëse mund ta përdorni atë si një mjet për të mësuar, mendoj se kjo është gjëja më e shkëlqyer dhe më brilante”.
Fotografitë e këngëtares 29-vjeçare me shkumës në dorë pranë dërrasës së zezë, bënë vërtet xhiron në rrjetet sociale, ndërsa u morën si një shembull i mirë sesi për të ndihmuar duhet të kesh një shpirt bamirës.
