Largimi i Adrola Dushit në Amerikë me të birin hapi “fjalë” për ndarjen e mundshme mes partnerit Adis Patushit. Për t’i shtuar më shumë dyshimet ishte edhe fakti se modelja shqiptare nuk publikoi më asnjë foto çiftit, të cilat më parë kishin mbuluar llogarinë e saj të rrjeteve sociale.
Thanë se gjithçka ishte e përkohshme derisa Adisi të bënte gati letrat për t’iu bashkuar të shoqes dhe djalit, që jetojnë në një shtëpi me Xhesika Berberin në Manhattan, por deklarata e fundit e Adrolës na shtyn të besojmë se ka patur vërtet një krizë mes të dyve.
“Kam bombarduar “Instagram”-in gjatë gjithë kohës me foto pafund, na hëngrën mësysh mua dhe Adisin”, tregon modelja në një intervistë për ‘Thumb’.
“Thashë ok Adrola, zhduku, merr kohën tënde, shiko veten ku je, ku s’je dhe vetëm ndiq ritmin tënd”, vijoi ajo, që siç duket e paska patur të nevojshëm largimin nga Shqipëria apo nga marrëdhënia e saj.
Modelja pranoi se po binte në depresion në Shqipëri dhe i duhet të duronte dhe komentet negative të njerëzve.
