Të rifitosh buzëqeshjen pas ndarjes nuk është e pamundur. Disa këshilla si t’i riktheheni ditëve të qeta dhe pa mërzitje:
– Të gabosh është njerëzore … por ta bësh rrugë është djallëzore!
Ndaj kuptimi i gabimit është i rëndësishëm për të kuptuar njëri-tjetrin më mirë dhe të mos bëni më të njëjtat gabime. Në vend që të fiksohemi se kush e kishte fajin dhe në mendime negative, le të përqendrohemi në gjëra të tjera, si: plotësimi i fjalëkryqeve, leximi, shikimi i një filmi në kinema apo TV. Këto ndikojnë pozitivisht në mirëqenien tuaj.
– Gëzo veten tënd
Nuk duhet absolutisht ta lini pas dore pamjen tuaj. Kurrsesi nuk duhet të lini që vetë-respekti të prekë nivelet e ulëta. Duke u kujdesur për imazhin tuaj, për veten dhe jo për sytë e të tjerëve, kjo ju ndihmon të gjeni sigurinë në aftësitë tuaja.
– Kujdes me peshën
Shumë prej nesh gjejnë ngushëllimin tek ushqimi kur janë të trishtuara. Por kjo nuk është një rrugëdalje për të larguar mërzinë. Sepse ushqimi i tepërt na bën që të shtojmë në peshë. Këshillohet që të merreni me aktivitet fizik, i cili ndihmon edhe trurin për të rifituar mirëqenien.
– Rëndësia e rrjetit
Shpesh fundi i një historie të bën të ndihesh e izoluar për shkak se kishit miq të përbashkët. Por tashmë ke mundësi më të shumta për të njohur dhe vendosur kontakte të reja me njerëz të rinj. Po ashtu duhet t’i përkushtohesh një hobi të ri, ndoshta një klase gatimi apo fotografie…të cilat mund të jenë një mundësi për të bërë miq të rinj …. dhe kush e di?
Burimi: TgCom24
