Vetëm pak kohë më parë ministrja e Integrimit, Klajda Gjosha, u bë pjesë e medias sociale “Instagram” dhe momentet e saj private janë shumë të rralla.
Por së fundmi politikania ka vendosur që të jetë më e hapur me publikun për familjen e saj.
Klajda Gjosha, e ftuar në dasmën e dy miqve të saj këtë fundjavë, ka qenë e shoqëruar nga motra e vogël, Kolis, e cila, siç duket edhe nga këto foto, ka pothuaj të njëjtat tipare si edhe motra e saj e madhe.
Kolis ka festuar këtë të shtunë ditëlindjen, ndaj edhe ministrja e ka ndarë urimin e ditëlindjes edhe në “Facebook”-un e saj me një foto me të motrën.
“Vitet ikin dhe ti je rritur kaq shumë. Jam shumë krenare për ty o motra!”, shkruan Klajda krahas fotos në profilin e saj. E menjëhershme ka qenë edhe përgjigjja e Kolis, e cila ia kthen me të njëjtën monedhë “Edhe unë jam shumë krenare për ty.”
Ndërsa ditën e sotme Klajda publikoi një tjetër foto, në të cilën shkruante: “Shpesh harrojmë sa njerëz të rëndësishëm kemi në jetë. E di që kjo kafe me mua të ka bërë shumë të lumtur. Por edhe më e lumtur dhe me fat jam unë që të kam ty!”.
Burimi: Instagram
