Edhe pse një mungesë urimi për ditëlindjen e këngëtares nga ana e bashkëshortit, u interpretua në media si një ndarje mes tyre. Miriam Cani ka hedhur poshtë çdo thashethem dashakeq.
Ajo sapo bëri një postim mjaft të ndjerë për Albanian për koncertin e mbrëmshëm që dha në Prishtinë.
Këtij eventi i është gëzuar edhe bashkëshortja e këngëtarit, Miriam Cani, e cila e ka uruar publikisht për suksesin.
“Mbrëmë kuptova dhe njëherë që dashuria e pastër dhe e sinqertë e publikut për ty është ajo që bën diferencën e vërtetë! Mijëra veta pritën me orë të tëra në shi dhe kënduan çdo fjalë nga kënga e para tek e fundit. Kam parë fëmijë nga mosha 3 vjeç deri tek të moshuarit duke brohoritur emrin tënd. Mijëra veta qëndronin mbrapa skene pa mundësinë për të parë por duke kënduar me gjithë shpirt deri në tingullin e fundit të këtij koncerti. Do më mbetet në kujtesë edhe një vajzë zvicerane tek të tridhjetat e cila kishte udhëtuar nga Gjeneva enkas për të parë koncertin dhe kishte mësuar ndër vite shqip midis këngëve të tua. Këndonte çdo fjalë e germë në perfeksion. Jam e lumtur për ty sa fjalët nuk mjaftojnë. Zoti të dhëntë gjithmonë atë që shpirti dhe arti yt i vërtetë meriton”, shkruan ajo duke sqaruar njëherë e mirë se ata të dy janë të lumtur krah njëri-tjetrit.
