Ajo ka realizuar më në fund premtimin për materialin e ri, duke nxjerrë në treg këngën me titull “Your Song”.
Rita Ora është në qiellin e nëntë për faktin që i është rikthyer muzikës. Në një intervistë të dhënë për revistën “#legend” ajo është shprehur tepër e lumtur që fokusi kryesor tashmë është muzika dhe romancat e saj.
Këngëtarja me origjinë shqiptare duket e mrekullueshme në numrin e fundit të kësaj reviste, duke treguar trupin e saj perfekt.
“Me këtë album, unë jam përmirësuar si një tekstshkruese dhe kam mundur të zbuloj më shumë nga vetja ime. Nuk ka më rëndësi se “Me kë po del Rita”, ka thënë artistja.
Duke reflektuar në atë çka revista e quan “kriza tremujore” e saj, këngëtarja thotë: “Kam kaluar kohë me familjen time. Shkova në shtëpi, u ktheva te pikënisja dhe hëngra atë që dëshiroja. Thjesht kënaqa veten”.
Gjatë intervistës ajo zbuloi se ishte me aktoren e ndjerë Carrie Fisher një ditë para se, ajo të pësonte sulm në zemër në një fluturim nga Londra në Los Angeles, gjë që çoi në vdekjen e saj më pas.
Rita po filmonte skena me ikonën e “Star Wars” për filmin e ardhshëm “Wonderwell”, i cili përqendrohet te një vajzë 12-vjeçare, e cila udhëton nëpër një portal magjik dhe i plotësohet dëshira për t’u rritur.
Burimi: Daily Mail
