Në muajin e Shenjtë të Ramazinit, futbollisti shqiptar, Mërgim Mavraj, ka vendosur që të bëjë bamirësi.
Ky gjest nuk ka kaluar pa u rënë në sy edhe mediave të huaja, sesi mbrojtësi i HVS në Gjermani është kthyer në Shqipëri për të ndihmuar familjet e varfra dhe fëmijët e sëmurë dhe kjo periudhë për Mavrajn është pushim.
Për mediat gjermane kjo ndoshta është vepra më e madhe dhe e mirë që Marvaj ka bërë. Në një intervistë dhënë për “Bild” futbollisti i Kombëtares është shprehur se do preferonte të blinte shtëpi për shtatë persona në Shqipëri para se sa të blinte një orë Rolex.
“Po ju jap një shembull të thjeshtë. Unë mund të blej një Roleks në Gjermani ose të ndërtoj një shtëpi në Shqipëri për një familje me shtatë persona”, ka thënë Mavraj.
Prej më shumë se dy vitesh Mërgimi bën pjesë në një organizatë bamirësie dhe ndihmon familjet në nevojë, u siguron përkujdesje shëndetësore dhe u jep mundësi të ndjekin shkollën. Por bamirësia e 30-vjeçarit shtrihet edhe përtej Europës duke përfshirë Afrikën apo edhe Meksikën.
“E bëj sepse dua të ndihmoj. Ky ka qenë gjithmonë motivimi im. Edhe kur isha më i vogël, në Shqipëri harxhoja të gjithë paratë e xhepit për njerëzit që jetonin në rrugë. Sot e shoh veten më të përfshirë”, përfundoi Mavraj.
