Ata njihen që kur ishin 10 vjeç dhe është nga ato historitë që mund të themi me plotë gojën se “ishin bërë për njëri-tjetrin”.
Esdalin Gorani dhe Manjola Hasani janë një nga çiftet e vjetra të baletit në vendin tonë, të cilët i kanë mbijetuar kohës dhe sfidave të saj.
Tashmë duket se çifti është gati të zgjerojë familjen me një tjetër pjesëtar. Ndërsa prej vitesh janë larguar nga vëmendja e publikut, çifti ka një vajzë Olesia, e cila ndërsa shohim fotot na bënë të kuptojmë sesa shpejt që kanë ikur vitet.
E fotografuar nga burime të “iconstyle.al” mbrëmjen e djeshme në një event të zhvilluar në Tiranë, çifti balerin pritet të bëhen sërish prindër. Manjola Hasani u dallua e veshur me një fustan të zi të gjatë, duke iu përshtatur edhe rastit ku mori pjesë, ndërsa i dallohej barku i rrumbullakët.
Prej fotove në “iconstyle.al” mund të kuptonim se ajo ndodhet në tremujorin e fundit të shtatzënisë, por asnjë informacion lidhur me gjininë e foshnjës.
Çifti i koreografëve nuk ishin dalluar më herët dhe Manjola është munduar ta fshehë atë, duke mos publikuar foto në mediat sociale.
Historia e dashurisë së çiftit
Dashuria e tyre i ka rrënjët vite më parë. Koreografët e “Portokallisë” janë rrethuar me fjalë edhe kur nuk kishin asgjë që mund të quhej dashuri mes tyre. Shokët e fëmijërisë, që shoqëroheshin bashkë, gjithmonë kanë dëgjuar për fjalët që dëgjonin rreth e rrotull tyre, por pa e vrarë mendjen për më gjatë. Por profecia e “gojëve llafazane” u bë e vërtetë kur të dy e pranuan se ishin bërë për njëri-tjetrin. Ata janë njohur që 10 vjeç me njëri-tjetrin, si dhe kanë qenë edhe në të njëjtën klasë.
Burimi: Iconstyle.al
