Pas shumë viteve ndarjeje, këngëtarja Nora Istrefi dhe reperi i Babastars, Getoar Selimi janë përballur në të njëjtin vend. Bëhet fjalë për dasmën e menaxherit të Babastars, Dekorim Sahiti, i cili mblodhi bashkë shumë emra të njohur të ekranit.
Deri në orët e para të mëngjesit pamje nga atmosfera kanë publikuar pothuajse çdo person që mori pjesë aty e gjithçka dukej aq madhështore. E ftuar ishte Nora Istrefi por edhe Getoar Selimi i cili ka qenë dikur i lidhur me këngëtaren, por asnjëherë nuk u zbardhën komplet detajet.
Kjo situatë është vërejtur me kujdes në festë, sa i përket mënyrës sesi do të reagonin dy ish-ët. Një foto që po qarkullon në media shihet Nora duke e shikuar Getoarin tinëzisht, ndërkohë që ky i fundit kërcen valle.
Por surprizat nuk mbarojnë këtu, pasi në festë ka qenë e pranishme edhe Liberta Spahiu, ish-e dashura e Getoarit. Moderatorja thuhet se ka qenë në shoqërinë e producentit shqiptar Flori Mumajesi, i cili së fundmi është përfolur të jetë në një lidhje Libertën. Ajo madje publikoi një video teksa Flori po këndonte për çiftin pikërisht këngën që ka realizuar para shumë vitesh për Orinda Hutën “Të dua”.
Më i qetë nga të gjithë ka qenë Getoari, i cili pavarësisht përballjes me ish-të dashurat ka shijuar qetësisht natën në krah të partneres Marina Vjollca, e cila do të bëhet së shpejti nusja e tij.
Burimi: Iconstyle.al
