Satira e artit botëror “The Square”, ka fituar Palmën e Artë në festivalin e filmit të Kanës 2017.
Me regji nga Ruben Ostlund, filmi ka të bëjë me një drejtor të muzeut (të luajtur nga Claes Bang), i cili është i dëshpëruar për ta bërë të suksesshme galerinë e tij dhe krijon një instalim të ri të quajtur “Square” (Katrori) për ta promovuar atë.
Ngjarja përqendrohet te Kristiani, personazhi i Bang, ndërsa galeria e artit që ai drejton përgatitet për një ekspozitë të re. Ndërkohë, jeta e tij private nis të bëhet kaotike, pasi e grabisin dhe ai kërkon kthimin e pronës së tij në mënyra të jashtëligjshme.
Në filmin “Katrori”, në rolin kryesor është aktori Claes Bang bashkë me aktorin britanik Dominic West dhe aktoren Elisabeth Moss në role mbështetëse. Megjithëse mori kritika të mira, askush nuk e priste që filmi të merrte Palmën e Artë.
Nga mediat, filmi “Katrori” u cilësua si një ngjarje që zhvillohet ngadalë, por që ka një forcë totale ndaj së cilës nuk mund të rezistohet.
Kritikët vlerësuan gjithashtu si tre më të mirët, dramën franceze “120bpm”, trilerin “Good Times” dhe filmin romantik rus “Loveless”, si më të mirët.
